ଅଗଷ୍ଟ ୧୬ରୁ ଖୋଲିବ ଖଣ୍ଡଗିରି ଗାନ୍ଧୀ ଶାନ୍ତି କେନ୍ଦ୍ର।
ଦୀର୍ଘ ୫ମାସ ପରେ ଚଳିତ ମାସ ୧୬ରୁ ଖୋଲିବ ବିର୍ଲା ଗ୍ରୁପ ପରିଚାଳିତ ଖଣ୍ଡଗିରି ଗାନ୍ଧୀ ଶାନ୍ତି କେନ୍ଦ୍ର । ଏନେଇ କେନ୍ଦ୍ରର ମ୍ୟାନେଜର ଅବଦୁଲ ଆବିଦ ଖାନ ସୂଚନା ଦେଇଛନ୍ତି । ସରକାରଙ୍କ ଅନୁମତି ପରେ କୋଭିଡ କଟକଣା ଲାଗି ବନ୍ଦ ରହିଥିବା ଏ କେନ୍ଦ୍ର ଏବେ ଜନସାଧାରଣଙ୍କ ଲାଗି ଖୋଲାଯିବ ।
ମାତ୍ର ୧୦ବର୍ଷରୁ କମ ଏବଂ ୬୦ବର୍ଷରୁ ଅଧିକ ବୟସ୍କ ଶିଶୁ ଓ ବ୍ୟକ୍ତି ବିଶେଷଙ୍କୁ ଗ୍ୟାଲେରୀ ଭିତରକୁ ଛଡା ଯିବ ନାହିଁ । କେନ୍ଦ୍ର ପକ୍ଷରୁ ସରକାରଙ୍କ ସମସ୍ତ କୋଭିଡ ନିୟମ ପାଳନ କରାଯିବ ।ପର୍ଯ୍ୟଟକଙ୍କ ସୁରକ୍ଷା ଦୃଷ୍ଟିରୁ ଯାହା ପଦକ୍ଷେପ ନିଆଯିବା କଥା ନିଆଯାଇଛି । ସେଥିପ୍ରତି କର୍ତ୍ତୃପକ୍ଷ ଯଥେଷ୍ଟ ସଚେତନ ରହିବା ସହ କର୍ମଚାରୀ ମାନଙ୍କୁ ମଧ୍ୟ ସ୍ୱତନ୍ତ୍ର ତାଲିମ୍ ଦିଆଯାଇଛି ।